راولپنڈی میں مسلح افراد نے قومی اسمبلی کے حلقہ این اے 56 کے ریٹرننگ آفیسر (آر او) کی سرکاری گاڑی گن پوائنٹ پر چھین لی۔
تھانہ مندرہ میں آر او نظارت علی شاہ کے ڈرائیور کی مدعیت میں مقدمہ درج کروایا گیا جس کے مطابق ریٹرننگ افسر مندرہ جی ٹی روڈ پر اپنے عزیز کے گھر ملنے گئے تھے۔
ایف آئی آر کے مطابق نظارت علی شاہ عزیز کے گھر داخل ہوئے اور باہر دو مسلح افراد نے گاڑی چھین لی۔ ڈرائیور نے بتایا کہ ملزمان نے تھوڑی دور چل کے ایک ویرانی میں گاڑی سے اتارا۔
- Advertisement -
پولیس کے مطابق واقعے کی تفتیش جاری ہے جبکہ ملزمان کو جلد ٹریس کر کے گرفتار کیا جائے گا۔
