بالی ووڈ کی سپر ہٹ فلم ’دنگل‘ کی معروف چائلڈ اداکارہ سہانی بھٹناگر 19 سال کی عمر میں انتقال کرگئیں۔
بھارتی میڈیا رپورٹ کے مطابق عامر خان کی فلم دنگل میں نوجوان ببیتا پھوگٹ کا کردار ادا کرنے والی چائلڈ اداکارہ سہانی بھٹناگر بیماری کے باعث انتقال کر گئیں اس خبر کی تصدیق کرتے ہوئے عامر خان پروڈکشن ہاؤس نے بھی افسوس کا اظہار کیا۔
بھارتی میڈیا کے مطابق سہانی بھٹناگر کو کچھ عرصہ قبل ٹانگ میں فریکچر ہوا تھا جس کے علاج کے لیے انہوں نے دوائیاں لی تھیں، ان دوائیوں نے اداکارہ کی صحت پر منفی اثر ڈالا جس کے بعد ان کے پورے جسم میں پانی جمع ہونے لگا تھا۔
بھارتی میڈیا کا کہنا ہے کہ سہانی کو تشویشناک حالت میں دہلی کے اسپتال میں داخل کیا گیا جہاں ان کا علاج جاری تھا لیکن وہ جانبر نہ ہوسکیں اور آج صبح چل بسیں۔
We are deeply saddened to hear about our Suhani passing away.
Our heartfelt condolences to her mother Poojaji, and the entire family 🙏🏽
Such a talented young girl, such a team player, Dangal would have been incomplete without Suhani.
Suhani, you will always remain a star in…
— Aamir Khan Productions (@AKPPL_Official) February 17, 2024
عامر خان کی پروڈکشن نے ٹوئٹ میں لکھا کہ ’ہمیں اپنی سوہانی کے انتقال کی خبر سن کر بہت دکھ ہوا، ہماری دلی تعزیت ان کی والدہ پوجا جی اور پورے خاندان کے ساتھ ہے۔
عامر خان پروڈکشن ہاؤس نے لکھا کہ ’ دنگل سہانی کے بغیر ادھوری ہوتی، سہانی ایک باصلاصحیت اداکارہ تھی، سہانی تم ہمیشہ ہمارے دلوں میں زندہ رہو گی‘۔
واضح رہے کہ دنگل 23 دسمبر 2016 کو ریلیز کی گئی تھی جس میں سہانی نے عامر خان کی چھوٹی بیٹی ببیتا کماری کے بچپن کا کردار نبھایا تھا، ببیتا کماری کی جوانی کا کردار اداکارہ ثانیہ ملہوترا نے نبھایا تھا۔
