لاہور: سوئی ناردرن گیس کمپنی نے صارفین کو اوور بلنگ کی بھر مار کر دی۔

ذرائع کے مطابق ملک بھر میں سوئی گیس کی شدید قلت اور مختلف اوقات میں غیر فراہمی کے باوجود سوئی سدرن گیس کمپنی نے صارفین کو اوور بلنگ کی بھر مار کر دی۔

ذرائع کا بتانا ہے کہ دو دو مرلے گھریلو صارفین کو بھی ہزاروں روپے اضافی بل بھجوا دیے گئے، رواں ماہ اوسط 15 سے 90 ہزار روپے فی صارف بل بھجوائے گئے۔

ذرائع کا بتانا ہے کہ فکسڈ چارجز کے نام فی میٹر 2 ہزار ٹیکس ڈال دیا گیا جبکہ میٹر کرایہ جی ایس ٹی اور اضافی چارجز الگ ہیں۔

اس سے متعلق سوئی گیس حکام نے کہا کہ گیس ٹیرف اور دیگر ٹیکس حکومت نے لگائے، گیس دنیا بھر میں مہنگی ہو چکی، احتیاط سے استعمال کریں۔