برطانیہ نے اسکولوں میں زیر تعلیم طلبا کے موبائل فون کے استعمال پر پابندی لگانے کا فیصلہ کیا ہے۔
غیر ملکی ذرائع ابلاغ کے مطابق برطانیہ کے وزیر اعظم رشی سونک کی جانب سے پابندی کی حمایت میں ویڈیو بھی جاری کی گئی ہے۔
برطانوی میڈیا کا اس حوالے سے کہنا ہے کہ وزیر اعظم رشی سونک نے مصروفیات کے دوران موبائل فون سے متعلق پریشانی کو اُجاگر کیا۔
- Advertisement -
رشی سونک نے کہا کہ سیکنڈری اسکول کے ایک تہائی طلبا کہتے ہیں فون سے تعلیم پر منفی اثر پڑتا ہے، اُنہوں نے کہا کہ ہم جانتے ہیں کہ کلاس روم میں موبائل فون کتنے پریشان کُن ہوتے ہیں۔
پیوٹن نے کم جونگ کو قیمتی چیز تحفے میں دیدی؟
برطانوی وزیر اعظم کا مزید کہنا تھا کہ ہم اس پریشانی کو ختم کرنے میں اسکولوں کی مدد کر رہے ہیں۔ واضح رہے کہ برطانیہ کے اسکولوں میں موبائل فون سے متعلق نئی پالیسی کا اعلان گذشتہ روز کیا گیا ہے۔
