کراچی: پی ایس ایل 9 کے دسویں میچ میں کراچی کنگز نے سنسنی خیز مقابلے کے بعد لاہور قلندرز کو 2 وکٹوں سے شکست دے دی، ایونٹ میں کراچی کنگز کی دوسری کامیابی ہے جبکہ قلندرز کو مسلسل چوتھی شکست ہوئی ہے۔
قذافی اسٹیڈیم میں کھیلے گئے میچ میں کراچی کنگز نے لاہور قلندرز کی جانب سے دیا گیا 176 رنز کا ہدف آخری گیند پر 8 وکٹوں کے نقصان پر حاصل کرلیا۔
کیرون پولارڈ نے 58 رنز کی شاندار اننگ کھیلی، ان کی اننگ میں ایک چوکا اور پانچ چھکے شامل تھے جبکہ شعیب ملک 39 رنز کے ساتھ نمایاں رہے۔
کپتان شان مسعود 10 رنز بنا کر رن آؤٹ ہوئے، محمد اخلاق 7 رنز بنا کر پویلین لوٹ گئے، جیمز ونس کو 8 رنز پر احسن حفیظ نے آؤٹ کیا۔
محمد نواز 15 رنز بنا کر آؤٹ ہوئے، عرفان نیازی 13 رنز بنا کر ناٹ آؤٹ رہے، حسن علی 9 رنز بنا کر حسن حفیظ کا نشانہ بنے۔
لاہور قلندرز کی جانب سے زمان خان اور حسن علی نے دو، دو وکٹیں حاصل کیں، شاہین آفریدی، جہانداد خان اور حارث رؤف ایک، ایک وکٹ حاصل کرسکے۔
اس سے قبل لاہور قلندرز نے مقررہ اوورز میں 6 وکٹوں کے نقصان پر 175 رنز بنائے تھے اور کراچی کنگز کو جیت کے لیے 176 رنز کا ہدف دیا تھا۔
صاحبزادہ فرحان نے 72 رنز کی ذمہ دارانہ اننگز کھیلی تھی، وین ڈر ڈوسن 26 رنز بنا کر نمایاں رہے۔ جارج لندے نے 13 گیندوں پر 26 رنز بنا کر ناٹ آؤٹ رہے تھے۔
View this post on Instagram
اوپنر فخر زمان 6 رنز بنا کر پویلین لوٹ گئے، احسن حفیظ 8 رنز بنا کر حسن علی کا نشانہ بنے، جہانداد خان کو 12 رنز پر میر حمزہ نے پویلین کی راہ دکھائی۔
View this post on Instagram
شائے ہوپ 21 رنز بنا کر آؤٹ ہوئے، سکندر رضا بغیر کوئی رن بنائے پویلین لوٹ گئے۔
کراچی کنگز کی جانب سے میر حمزہ، حسن علی اور تبریز شمسی نے دو، دو وکٹیں حاصل کیں۔
View this post on Instagram
قبل ازیں کراچی کنگز کے کپتان شان مسعود نے ٹاس جیت کر شاہین آفریدی الیون کو پہلے بیٹنگ کی دعوت دی تھی۔
View this post on Instagram
قذافی اسٹیڈیم میں کھیلے جارہے میچ میں کراچی کنگز کے کپتان شان مسعود نے ٹاس جیت کر شاہین آفریدی الیون کو پہلے بیٹنگ کی دعوت دی ہے۔
شان مسعود کا کہنا تھا کہ کوشش کریں گے کہ قلندرز کو کم اسکور تک محدود رکھیں۔
قلندرز کے کپتان شاہین آفریدی کا کہنا تھا کہ کراچی کنگز کے خلاف شاندار کارکردگی دکھانے کی کوشش کریں گے۔
واضح رہے کہ ہیڈ ٹو ہیڈ مقابلوں میں کراچی کنگز نے لاہور قلندرز کے خلاف 17 میں سے 11 میچز میں کامیابی حاصل کی ہے۔
پلیئنگ الیون
View this post on Instagram
