فیصل آباد: پاکستان تحریک انصاف کے سربراہ عمران خان نے احتجاجی جلسے کے شرکاء سے خطاب کرتے ہوئے کہا کہ نواز شریف نے ہمیشہ ظلم کی سیاست کی ہے اور پولیس کا غلط استعمال کیا ہے۔
ان کا کہنا تھا کہ حق نواز کی شہادت کو رائیگاں نہیں جانے دیں گے اس کی قربانی سے نیا پاکستان بنے گا۔
نہوں نے کہا کہ آج این اے 122 سے خوشخبری ملی ہے جلد پوری قوم خوشخبری سنے گی۔
انہوں نے کہا کہ نواز شریف نے ماڈل ٹاؤن میں قتل ِ عام کیا ، اسلام آباد میں سینکڑوں لوگوں کو اسپتال پہنچایا اورجہلم میں ہم پر فائرنگ کرائی اور آج اپنے گلو بٹ کارکنوں پرچھوڑدئے۔
انہوں نے کہا کہ سب نے دیکھا کہ پولیس کی موجودگی میں گولی چلی انشااللہ ملک کو ان ظالموں سے نجات دلائیں گے۔
انہوں کہا کہ لاہور جانے کے انتظامات کررہے ہیں اور کراچی بھی جائیں گے، عمران خان نے اس عزم کا اعادہ کیا کہ جب تک دم ہے اس ظلم کے خلاف آواز اٹھاتے رہیں گے۔
عمران خان نے کہا کہ کل یومِ سوگ منایا جائے گا اور ملک بھر میں کارکنوں کی غائبانہ نمازِجنازہ ادا کی جائے گی۔
انہوں نے فیصل آباد کے شہریوں کا شکریہ ادا کیا کہ انہوں نے کھل کر تحریکِ انصاف کے موٗقف کی حمایت کی۔
جلسے سے مختصر خطاب کرنے کے بعد تحریکِ انصاف کے قائد زخمیوں کی عیادت کے لئےاسپتال روانہ ہوگئے۔
Haq Nawaz blood will not go in vain by arynews
