ایچ بی ایل پاکستان سپر لیگ کی فرنچائز پشاور زلمی کے مالک نے کپتان بابر اعظم کو شاندار سنچری اسکور کرنے پر قیمتی تحفہ دینے کا اعلان کیا ہے۔
گزشتہ روز کے میچ میں سابق قومی کپتان بابراعظم نے پی ایس ایل 9 میں اسلام آباد کے بولرز کے خلاف لاٹھی چارج کرتے ہوئے اس سیزن کی پہلی سنچری بنا ڈالی۔
پاکستان سپر لیگ میں پشاور کے کپتان بابر اعظم نے دھواں دھار اننگز کھیلتے ہوئے 63 بالز پر 111 رنز بنائے جس میں دو چھکے اور 14 چوکے شامل ہیں۔
اس شاندار شنچری پر ایچ بی ایل پاکستان سپر لیگ کی فرنچائز پشاور زلمی کے مالک جاوید آفریدی نے کپتان بابر اعظم کو اسلام آباد یونائیٹڈ کے خلاف شاندار سنچری اسکور کرنے پر قیمتی گاڑی تحفے میں دینے کا اعلان کیا۔
اونر جاوید آفریدی نے سوشل میڈیا پر جاری بیان کے ساتھ قیمتی گاڑی کی تصویر اپلوڈ کی اور اسے بابر اعظم کو تحفے میں دینے کا اعلان کیا۔
جاوید آفریدی کے مطابق بابر اعظم پاکستان میں تیار کردہ "ایم جی ایسنز” چلانے والے پہلے پاکستانی ہوں گے۔ جاوید آفریدی کی جانب سے پشاور زلمی کو بھرپور سپورٹ کرنے پر لاہور کے تماشائیوں کا خصوصی شکریہ بھی ادا کیا گیا ہے۔
