ریلوے پولیس کراچی ڈویژن نے ایمانداری اور فرض شناسی کی مثال قائم کرتے ہوئے زیورات سے بھرا بیگ مالک کے حوالے کردیا۔
تفصیلات کے مطابق کراچی کینٹ اسٹیشن پر ایک لاوارث بیگ ملا تھا جس میں زیورات پائے گئے تھے، اس بیگ کو بحفاظت تھانے میں جمع کرادیا گیا تھا۔
ریلوے پولیس حکام نے بتایا کہ زیورات سے بھرا بیگ حقیقی مالک کے حوالے کردیا گیا ہے۔ مسافر اپنا بیگ کراچی کینٹ اسٹیشن پر بھول گیا تھا۔
- Advertisement -
بیگ میں سونے کے زیورات، کپڑوں کے جوڑے اور لیڈیز پرس تھا۔ مالک کو تلاش کرکے زیورات سے بھرا بیگ حوالے کردیا گیا۔
ریلوے پولیس حکام نے مزید بتایا کہ مسافر نے زیورات والا بیگ واپس ملنے پر ریلوے پولیس کا شکریہ ادا کیا۔
