لاہور: وزیرِ اعلیٰ پنجاب مریم نواز نے ویلنشیاء ٹاؤن کے قریب پنجاب کا پہلا سرکاری کینسر اسپتال بنانے کا اعلان کر دیا۔
تفصیلات کے مطابق وزیرِ اعلیٰ پنجاب مریم نواز نے ویلنشیا ٹاؤن کے قریب اسپتال کی مجوزہ سائٹ کا جائزہ لیا، وزیراعلیٰ پنجاب کو کینسر اسپتال کی سائٹ سے متعلق بریفنگ دی گئی۔
وزیر اعلیٰ نے دنیا بھر سے بہتر ین اسپشلسٹ ڈاکٹرزبلانے کی ہدایت کی اور تیمارداروں کے لئے ہوٹل بنانے کی ہدایت بھی کی گئی۔
- Advertisement -
اس موقعے پر گفتگو کرتے ہوئے وزیرِ اعلیٰ پنجاب مریم نواز نے کہا کہ پنجاب میں کینسر کے مریضوں کیلئے سرکاری اسپتال بنائیں گے، اس سرکاری اسپتال میں کینسر کے مریضوں کا مفت علاج ہوگا۔
وزیرِ اعلیٰ پنجاب مریم نواز نے مزید کہا کہ کینسر اسپتال کیلئے بہترین ڈاکٹرز اور جدید ترین مشینری لائیں گے۔
