اسلام آباد: سنی اتحاد کونسل نے پارلیمان سے متعلق حکمت عملی تیار کر لی، ذرائع کا کہنا ہے کہ عمر ایوب قومی اسمبلی میں سنی اتحاد کونسل کی جانب سے اپوزیشن لیڈر ہوں گے۔
تفصیلات کے مطابق سنی اتحاد کونسل نے اپوزیشن لیڈر، پارلیمانی لیڈر اور چیئرمین پبلک اکاؤنٹس کمیٹی کے ناموں کا فیصلہ کر لیا، اسد قیصر قومی اسمبلی میں پارلیمانی لیڈر ہوں گے۔
ذرائع کے مطابق بیرسٹر گوہر علی چیئرمین پبلک اکاؤنٹس کمیٹی ہوں گے، جب کہ عمر ایوب اپوزیشن لیڈر ہوں گے، اس سلسلے میں سنی اتحاد کونسل اسپیکر قومی اسمبلی کو خط لکھ کر آگاہ کرے گا۔
دوسری طرف وزیر اعلیٰ خیبر پختون خوا علی امین گنڈاپور نے کل بانی پی ٹی آئی سے ملاقات کا فیصلہ کیا ہے، وہ اس ملاقات کے بعد کابینہ بنائیں گے، علی امین گنڈاپور نے وزیر اعظم حلف برداری تقریب میں شرکت نہ کرنے کا بھی فیصلہ کیا ہے۔
انھوں ںے کہا ’’میرے خیال سے حلف برداری کے لیے جانا درست نہیں، یہ کرپشن کے موجد ہے، اللہ کرے ان کی اصلاح ہو جائے، اور وہ کرپشن کی ریڈ لائن ڈرا کرے تو ہمیں خوشی ہوگی۔‘‘
