پاکستان ڈرامہ انڈسٹری کی معروف سینئر اداکارہ بشریٰ انصاری نے بچے گود لینے سے متعلق اپنی رائے کا اظہار کیا ہے۔
سینئر اداکارہ بشریٰ انصاری نے حال ہی میں ایک ویڈیو پیغام جاری کیا، جس میں اُن کا کہنا تھا کہ زیادہ تعداد میں جانور پالنے سے اچھا ہے کہ انسان یتیم بچوں کی پرورش کرلے۔
اپنے ویڈیو پیغام میں بشری انصاری نے ساتھی فنکاروں کا ذکر کیا جو بے اولاد ہیں یا پھر جو شادی نہیں کرنا چاہتے لیکن اُن کی خواہش ہے کہ وہ والدین کی ذمہ داریاں نبھائیں۔
بشریٰ انصاری نے کہا کہ ایسے افراد جنہیں پالتوں جانوروں کا شوق ہے تو وہ 1 یا 2 کتے بلی پال لیں اور اگر پھر بھی مزید کی خواہش ہو تو کسی یتیم مسکین بچوں کو گود لے لیں۔
بشریٰ انصاری نے گلوکارہ حدیقہ کیانی کی مثال دیتے ہوئے کہا کہ میرا مشورہ ہے کہ پالتو جانوروں پر اپنی کمائی اور محنت صرف کرنے سے بہتر ہے کہ اولاد گود لے لی جائے جس سے انسانی زندگی کا بھی بھلا ہو۔
ثانیہ مرزا کی عاطف اسلم کے کنسرٹ میں شرکت، تصویر وائرل
سینئر اداکارہ نے کہا کہ اگر زیادہ تعداد میں جانوروں کے بجائے کسی بچے کو گود لیں گے تو کم از کم وہ بچہ 4 یا 5 برس کی عمر میں آپ کو سلام تو کرے گا۔
