کراچی :ریونیو ریکارڈ میں ردوبدل اور رشوت وصولی کیس میں ملزمان کی ضمانت مسترد کر دی گئی۔
تفصیلات کے مطابق اینٹی کرپشن عدالت نے اسسٹنٹ کمشنر ملیر سمیت 15 ملزمان کی ضمانت مسترد کر دی جس کے بعد پولیس نے اسسٹنٹ کمشنر ملیر اعجاز ہالیپوتو سمیت 13 ملزمان کو گرفتار کر لیا۔
دو ملزمان مختیار کار اسلم شر اور تپیدار ذوالفقار لغاری پولیس کو چکمہ دے کر فرار ہو گئے۔
- Advertisement -
گرفتار ملزمان میں اعجاز، شیخ ماجد حسین منگی و دیگر شامل ہیں۔ اینٹی کرپشن عدالت نے ملزمہ شبانہ کنول کی ضمانت منظور کرلی۔
اینٹی کرپشن کا کہنا ہے کہ جعلسازی کے کیس میں مجموعی طور پر 19 ملزمان ہیں جن پر بھاری رشوت لینے کے الزامات ہیں، ملزمان کی رشوت وصولی کی ویڈیوزسوشل میڈیا پر بھی وائرل ہیں۔