کوئٹہ: بلوچستان میں کوئٹہ سمیت مختلف علاقوں میں ایک بار پھر بارش اور برفباری کا نیا سلسلہ شروع ہو گیا۔
چمن شہر اور گرد و نواح میں رات سے بارش کا سلسلہ جاری ہے، قلعہ عبداللّٰہ، گلستان، جنگل پیر علیزئی، پشین، خانوزئی، تربت، پنجگور، خاران اور چاغی میں بھی بادل برسے۔
بلوچستان کے مختلف علاقوں میں بارش اور برفباری سے ٹھنڈ مزید بڑھ گئی ہے، زیارت، توبہ اچکزئی، شیلاباغ، کان مہترزئی، توبہ کاکڑی، خواجہ عمران سمیت پہاڑی علاقوں میں برفباری ہو رہی ہے۔
- Advertisement -
کوژک ٹاپ اور دوبندی میں اب تک 4 انچ برف پڑ چکی ہے، جہاں رابطہ سڑکوں سے برف صاف کرنے کے لیے روڈ کلیئرنس آپریشن جاری ہے، انتظامیہ کی جانب سے شہریوں کو کوئٹہ چمن شاہراہ پر غیر ضروری سفر سے گریز کی ہدایت کی گئی ہے۔
