جدید دور میں چمکدار اور صحت مند جلد رکھنا ہر کسی کا خواب ہے، جو بڑھتی ہوئی آلودگی اور مصروف طرز زندگی کے باعث مشکل ہے۔ جلد کی حفاظت اور دیکھ بھال بہت ضروری ہے کیوں کہ یہ صرف خوب صورتی کا معاملہ نہیں ہے بلکہ اسکا صحت کیساتھ گہرا رشتہ ہے۔
اگر آپ صحتمند اور چمکدار جلد رکھتے ہیں تو اس سے آپ کی صحت کا بھی بخوبی اندازہ ہوجاتا ہے۔
اگر آپ اپنی جلد کو خوبصورت بنانے کے لئے وقت نہیں دے پارہے تو ماہرین نے اسی چیز کو مد نظر رکھتے ہوئے 3 آسان طریقے بتائے ہیں، جنہیں آپ اپنے روزمرہ کے معمولات میں آسانی سے استعمال کر سکتے ہیں۔
اگر کوئی یہ سمجھتا ہے کہ اسے سرد موسم میں سن اسکرین استعمال نہیں کرنا چاہئے تو وہ غلط ہے، سن بلاک کا استعمال روزانہ کی بنیاد پر کرنا چاہئے، یہاں تک کہ جب آپ گھر پر ہوں تب بھی اسے استعمال کرنا چاہئے، یہ نہ صرف آپ کی جلد کو سنبرن سے محفوظ رکھتا ہے بلکہ یہ اسے سورج کے دیگر مضر اثرات سے بھی محفوظ رکھتا ہے۔
آپ کو اپنی جلد کی قسم اور مسائل کے مطابق روزانہ لگانے کے لیے یقینی طور پر سیرم کا انتخاب کرنا ہوگا، یہ آپ کی جلد کو دھول اور پھیکے پن سے محفوظ رکھتا ہے اور جلد کو چمکدار بنادیتا ہے، ماہرین صحت کی جانب سے صحت مند جلد کے لئے وٹامن سی سیرم کے استعمال کا مشورہ دیا جاتا ہے۔
کیا آپ کے بچے کے دانت میں تکلیف ہے؟ آسان حل جانیے
چہرے کی صفائی چہرے کے چھیدوں سے میک اپ اور دھول کو صاف کردیتی ہے اور اس سے مہاسوں کا خطرہ بھی کم ہوجاتا ہے۔ چہرے کی صفائی روزانہ کی جانی چاہیے اور میک اپ کرتے وقت بھی ضروری ہے۔
