ایف آئی اے انٹرپول نے سعودی عرب میں کارروائیاں کرتے ہوئے پنجاب پولیس کو سنگین جرائم میں مطلوب دو اشتہاری گرفتار کر لیے ہیں۔
ایف آئی اے ترجمان کے مطابق انٹرپول کی جانب سے سعودی عرب میں کارروائیاں کی گئی ہیں جن میں پنجاب پولیس کو سنگین جرائم میں مطلوب دو اشتہاریوں کو گرفتار کیا گیا ہے جنہیں سعودی عرب سے اسلام آباد منتقل کرنے کے بعد متعلقہ پولیس کے حوالے کر دیا گیا ہے۔
ترجمان کا کہنا ہے کہ گرفتار ملزمان مین لقمان زریان اور محمد اختر شامل ہیں۔ ان میں لقمان کے خلاف تھانہ خرد اٹک میں جب کہ محمد اختر کے خلاف تھانہ کوٹ مبارک، ڈی جی خان میں مقدمہ درج تھا۔
دونوں ملزمان کے خلاف قتل کی دفعات کے تحت 2021 اور 2022 میں مقدمات درج ہوئے تھے اور ایف آئی اے انٹرپول پاکستان نے ملزمان کی گرفتار کے لیے ریڈ نوٹس جاری کیے تھے۔
