بھارت میں شوہر نے بیوی کو مٹی کا تیل چھڑک کر آگ لگادی۔
بھارتی میڈیا رپورٹس کے مطابق دہلی کے روہنی علاقے میں خاتون کو مبینہ طور پر شوہر نے مٹی کا تیل چھڑک کر آگ لگائی جس کے نتیجے میں اس کی موت ہوگئی۔
پولیس کنٹرول روم کی کال موصول ہوئی کہ گھر میں آگ لگ گئی جہاں کچھ لوگوں کے پھنسے ہونے کا شبہ ہے فوری طور پر ایک ٹیم کو موقع پر بھیجا گیا۔
جب پولیس گھر پہنچی تو دیکھا کہ مین گیٹ اندر سے بند تھا۔ اہلکار نے مزید بتایا کہ فائر فائٹرز بھی جائے وقوعہ پر پہنچے اور آگ پر قابو پالیا۔
افسر نے بتایا، "گھر کے معائنے پر جلی ہوئی خاتون بے ہوش پائی گئی، اسے اسپتال لے جایا گیا جہاں ڈاکٹروں نے اسے مردہ قرار دے دیا۔”
اسی دوران ایک دوسرے اسپتال سے ایک زخمی شخص اور اس کے دو بچوں کے بارے میں کال موصول ہوئی۔ پولیس نے بتایا کہ بعد میں یہ شخص اس عورت کا شوہر پایا گیا جو جھلس کر مر گئی تھی۔
زخمی لڑکیوں میں سے ایک نے پولیس کو بتایا کہ اس کے والدین میں جھگڑا ہوا جس کے بعد اس کے والد نے ماں پر مٹی کا تیل ڈال کر اسے آگ لگا دی۔
پولیس کا کہنا ہے کہ واقعے کا مقدمہ درج کرلیا گیا ہے مزید تفتیش جاری ہے۔
