لاہور : وزیراعلیٰ پنجاب مریم نواز نے پیف اسکالر شپ کا جامع پلان طلب کرتے ہوئے آئی پیڈ اور لیپ ٹاپ اسکیم کے لئے اسٹوڈنٹ سروے کرانے کا حکم دے دیا۔
تفصیلات کے مطابق وزیراعلیٰ پنجاب مریم نواز کی زیرصدارت اجلاس میں ہائیر ایجوکیشن اسکالر شپ اور آئی پیڈ اسکیم کا جائزہ لیا گیا۔
وزیراعلیٰ مریم نواز نے پیف کی نا مکمل بریفنگ پر اظہار ناپسندیدگی کرتے ہوئے پیف اسکالر شپ کا جامع پلان طلب کر لیا۔
وزیراعلیٰ نے اسکالر شپ اسکیم کا از سر نو جائزہ لے کر مرتب کرنے کی ہدایت کرتے ہوئے کہا آئی پیڈ،لیپ ٹاپ اسکیم کے لئے اسٹوڈنٹ سروے کرانے کا حکم دے دیا۔
مریم نواز نے کہا کہ طلبا کی ضرورت کا تعین کرکے آئی پیڈ اور لیپ ٹاپ دینے کا فیصلہ کریں گے ، شعبہ تعلیم کو بے مقصد اور بے سمت نہیں ہونا چاہیے۔
وزیراعلیٰ پنجاب کا مزید کہنا تھا کہ ہائر ایجوکیشن سمیت دیگر اداروں کو جدیدخطوط پر استوار کیا جائے گا۔
