حکومت نے مقامی طور تیار گاڑیوں پر ٹیکس میں اضافہ کردیا جس کا نوٹیفکیشن بھی جاری کردیا گیا ہے۔
اے آر وائی نیوز کے مطابق 1400 سی سی سے اوپر کی گاڑی پر سیلز ٹیکس کی شرح بڑھا دی گئی ہے، 40 لاکھ سے اوپر کی گاڑی پر بھی ٹیکس کی شرح میں اضافہ کردیا گیا ہے۔
نوٹیفکیشن کے مطابق سیلز ٹیکس کی شرح 18 سے بڑھا کر 25 فیصد کردی گئی ہے۔
نوٹی فکیشن کے مطابق مقامی طور پر تیار ڈبل کیبن، فور ویل پک اپ پر بھی اضافی سیلز ٹیکس عائد ہوگا۔
گاڑیوں پر ٹیکس میں اضافے کے نوٹیفکیشن کا اطلاق آج سے ہی ہوگا، اقتصادی رابطہ کمیٹی نے 14 فروری کو سیلز ٹیکس میں اضافے کی منظوری دی تھی۔
ذرائع کا بتانا ہے کہ سیلز ٹیکس میں اضافے سے 4 ارب روپے کا اضافی ریونیو حاصل ہوگا۔
