شوبز انڈسٹری کی معروف اداکارہ سارہ خان کو شوہر و گلوکار فلک شبیر نے قیمتی تحفہ دے دیا۔
گلوکار فلک شبیر اہلیہ سارہ خان سے اکثر محبت کا اظہار کرتے ہوئے انہیں گلاب کے پھول پیش کرتے ہیں تو کبھی وہ انہیں بیرون ملک تفریحی دوروں پر لے جاتے ہیں۔
فوٹو اور ویڈیو شیئرنگ ایپ انسٹاگرام پر سارہ خان نے گزشتہ روز تصاویر شیئر کیں جس میں انہیں بیٹی عالیانہ فلک کے ساتھ مرسڈیز بینز میں بیٹھے دیکھا جاسکتا ہے۔
ان تصاویر میں اداکارہ اور ان کی بیٹی عالیانہ فلک کو مرسڈیز بینز میں بیٹھے ہوئے دیکھا جا سکتا ہے۔
اداکارہ نے یہ تصاویر شیئر کرتے ہوئے لکھا کہ فلک نے نئی گاڑی کی چابیاں مجھے دیتے ہوئے کہا کہ’آپ دنیا کی بہترین چیزوں حاصل کرنے کی حقدار ہیں‘۔
انہوں نے مزید لکھا کہ کوئی فلک کو یہ بتائے کہ میرے پاس دنیا کی سب سے بہترین چیز پہلے ہی موجود ہے جوکہ خود فلک ہیں۔
یاد رہے کہ گلوکار فلک شبیر اور سارہ خان 2020 میں رشتہ ازدواج میں منسلک ہوئے ان کی ایک بیٹی عالیانہ فلک ہے۔
