پی ایس ایل 9 کے 26ویں میچ میں کراچی کنگز نے لاہور قلندرز کو 3 وکٹوں سے شکست دے دی۔
کراچی کے نیشنل اسٹیڈیم میں کھیلے گئے میچ میں کراچی کنگز نے لاہور قلندرز کی جانب سے دیا جانے والا 178 رنز کا ہدف آخری اوور میں 7 وکٹوں کے نقصان پر حاصل کرلیا۔
جیمز ونس نے 42 رنز کی شاندار اننگز کھیلی، ٹم سائفرٹ 36 رنز کے ساتھ نمایاں رہے۔
عرفان خان نیازی نے 16 گیندوں پر 35 رنز کی میچ وننگ اننگز کھیلی، شعیب ملک نے آخری گیند پر چوکا لگا کر کنگز کو کامیابی دلوائی۔
لاہور قلندرز کی جانب سے طیب عباس نے دو وکٹیں حاصل کیں، زمان خان اور شاہین آفریدی ایک، ایک وکٹ حاصل کرسکے۔
قبل ازیں لاہور قلندرز نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 177 رنز بنائے اور کراچی کو جیت کے لیے 178 رنز کا ہدف دیا تھا۔
View this post on Instagram
عبداللہ شفیق نے 55 رنز کی ذمہ دارانہ اننگز کھیلی، اوپنر فخر زمان بھی 54 رنز بنا کر نمایاں رہے۔
View this post on Instagram
مرزا بیگ 4 رنز بنا کر انور علی کو وکٹ دے بیٹھے، شے ہوپ 9 رنز بنا کر زاہد محمود کا نشانہ بنے، کپتان شاہین شاہ آفریدی ایک رن بناسکے۔
View this post on Instagram
سکندر رضا 22 رنز بنا کر ناٹ آؤٹ رہے، ڈیوڈ ویزا نے 24 رنز بنائے۔
کراچی کنگز کی جانب سے زاہد محمود نے دو وکٹیں حاصل کیں، مزرابانی اور انور علی ایک، ایک وکٹ حاصل کرسکے۔
View this post on Instagram
قبل ازیں کراچی کنگز کے کپتان شان مسعود نے ٹاس جیت کر شاہین آفریدی الیون کو پہلے بیٹنگ کی دعوت دی تھی۔
کراچی کنگز میں میر حمزہ کی جگہ انور علی کو شامل کیا گیا ہے۔ لاہور قلندرز میں عبداللہ شفیق اور طاہر بیگ کی واپسی ہوئی ہے۔
View this post on Instagram
باہمی مقابلوں میں کراچی کنگز نے لاہور قلندرز کیخلاف 18 میں سے 12 میچز جیتے ہیں، پہلے مرحلے میں کراچی کنگز نے لاہور قلندرز کو شکست دی تھی۔
