بہاولنگر میں تعویز گنڈے سے منع کرنے پر بیٹے نے باپ کو چھریوں کے پے درپے وار کرکے قتل کردیا۔

اے آر وائی نیوز کے مطابق بہاولنگر کے علاقے پرانی سبزی منڈی کے قریب سفاک بیٹے نے باپ کو موت کے گھاٹ اتار دیا۔

پولیس کے مطابق واردات کے بعد قاتل نے خود ہی گرفتاری دے دی۔

پولیس حکام کا بتانا ہے کہ مقول جمیل نے بیٹے کو تعویز گنڈے سے منع کیا تھا جس کے بعد طیش میں آکر بیٹے نے باپ کی جان لے لی۔

اس سے قبل بہاولنگر کے چک نادر شاہ کے قریب بستی عبدالرحمٰن میں پنشن کی رقم نہ دینے پر سفاک بیٹے نے باپ کو قتل کردیا تھا۔

پولیس کا کہنا تھا کہ ملزم ساگر نے اپنے والد جہانگیر کو سر پر کلہاڑی کے وار سے قتل کیا، باپ کو قتل کرکے ملزم موقع سے فرار ہوگیا تھا۔

تھانہ صدر پولیس نے موقع پر پہنچ کر کاروائی شروع کردی جبکہ لاش کو پوسٹ مارٹم کیلئے ضلعی ہسپتال منتقل کر دیا گیا تھا۔

Comments