اقوام متحدہ کی ریلیف اینڈ ورک ایجنسی (UNRWA) کے عملے کے حماس کے ساتھ تعلقات کے اسرائیلی الزامات کے بعد کئی ممالک نے غزہ فنڈنگ روک دی تھی، اب یہ انکشاف ہوا ہے کہ یہ اسرائیلی سازش تھی۔
الجزیرہ کے مطابق کینیڈا اور سویڈن نے یو این ایجنسی کو غزہ فنڈنگ بحال کر دی ہے، ایک کمپین گروپ نے انکشاف کیا ہے کہ اسرائیلی فوجیوں نے اقوام متحدہ کے ادارے کے عملے کے ارکان پر تشدد کیا تھا اور انھیں حماس کے ساتھ تعلقات رکھنے کے غلط بیانات دینے پر مجبور کیا۔
گروپ کے مطابق اسرائیل نے UNRWA کے کچھ عملے کو تشدد کا نشانہ بنایا اور انھیں ایجنسی کے حماس سے تعلقات کے بارے میں جھوٹے اعترافات کرنے پر مجبور کیا۔ کمپین گروپ نے یو این عملے پر اسرائیلی تشدد کی شدید مذمت کی۔
Canada and Sweden restore funding to UNRWA, the UN agency for Palestinian refugees, after it accused Israel of forcing some of its staff to make false statements about their involvement in Hamas.
Follow our LIVE coverage: https://t.co/3gzmCcdk6o pic.twitter.com/oCdqIhDqAg
— Al Jazeera English (@AJEnglish) March 10, 2024
’تشدد کے خلاف عالمی تنظیم‘ (WOAT) کے سیکریٹری جنرل جیرالڈ سٹیبروک نے سوشل میڈیا پوسٹ پر کہا ’’تشدد اور ایسی کسی بھی معلومات کا استعمال دونوں ہی یو این کنونشن اگینسٹ ٹارچر کی خلاف ورزی ہے۔‘‘
Just to say both torture and the use of any such information violates the UN Convention Against Torture.#UnitedAgainstTorture https://t.co/O5R5AVaWgG
— Gerald Staberock (@gstaberock) March 9, 2024
گزشتہ ہفتے یو این ایجنسی نے رپورٹ کیا تھا کہ ’’اسرائیلی حکام کی جانب سے یو این ایجنسی کے عملے کے ارکان کو حراست میں رکھنے کے دوران دھمکیوں اور جبر کا نشانہ بنایا گیا، اور ایجنسی کے خلاف جھوٹے بیانات دینے کے لیے دباؤ ڈالا گیا۔‘‘
کینیڈا اور سویڈن نے اس کے بعد سے اقوام متحدہ کی ایجنسی کے لیے مالی امداد کی تجدید کر دی ہے، جو غزہ کی پٹی میں انسانی امداد فراہم کرنے والا سب سے بڑا ادارہ ہے۔
