رمضان المبارک میں یواےای کی سب سے بڑی ریاست ابوظہبی میں ٹریفک کی روانی کو برقرار رکھنے کے لیے اہم فیصلہ کیا گیا ہے۔
ماہِ رمضان میں ٹریفک کو کنٹرول کرنے کے اقدامات کے تحت رش کے اوقات میں ٹرکوں کے سڑکوں پر آنے پر پابندی لگا دی گئی ہے۔
ابوظہبی پولیس نے رمضان المبارک کے دوران امارات میں سڑکوں پر صبح اور شام کے اوقات میں 50 یا اس سے زیادہ کارکنوں کو لے جانے والی بھاری گاڑیوں، ٹرکوں اور بسوں پر پابندی عائد کرنے کا اعلان کیا ہے۔
یواےای: رمضان کیلیے پارکنگ اور پبلک ٹرانسپورٹ کے اوقات کا اعلان
ٹریفک اور سیکورٹی پٹرولز ڈائریکٹوریٹ کے ڈائریکٹر بریگیڈیئر جنرل محمود یوسف البلوشی نے بتایا کہ ابوظہبی اور العین میں یہ پابندی صبح 8 بجے سے صبح 10 بجے اور دوپہر 2 بجے سے شام 4 بجے تک نافذ رہے گی۔
انہوں نے مزید کہا کہ تمام سڑکوں پر ٹریفک پیٹرولنگ فورس کو تعینات کیا جائے گا اور اسمارٹ سسٹم کے استعمال کے ذریعے ٹریفک کنٹرول کے اقدامات کو تیز کیا جائے گا۔
ابوظہبی پولیس کے ٹریفک سیفٹی کو فروغ دینے کے لیے سمارٹ سلوشنز استعمال کرنے کے عزم پر زور دیا۔
