لاہور : وزیر اعلیٰ پنجاب مریم نواز نے محکمہ خزانہ کو منی بجٹ تیار کرنے کی ہدایت کردی، پنجاب حکومت کا رواں ماہ کا بجٹ 31 مارچ کو مکمل ہو جائے گا۔
تفصیلات کے مطابق حکومت پنجاب نے قلیل مدتی بجٹ لانے کا فیصلہ کرلیا ، وزیر اعلیٰ پنجاب مریم نواز نےمحکمہ خزانہ کو منی بجٹ تیار کرنے کی ہدایت کردی۔
قلیل مدتی بجٹ کی تیاری مکمل کرنے کے بعد پنجاب اسمبلی کااجلاس طلب کیاجائےگا ، پنجاب اسمبلی کا اجلاس اگلے ہفتے طلب کیے جانے کا امکان ہے۔
- Advertisement -
حکومتی ذرائع نے بتایا ہے کہ پنجاب حکومت کا رواں ماہ کا بجٹ 31 مارچ کو مکمل ہو جائے گا، پنجاب کےمنی بجٹ کی پنجاب اسمبلی سے منظوری لی جائے گی۔
حکومتی ذرائع کا کہنا تھا کہ منی بجٹ کیلئے خصوصی رپورٹ وزیراعلیٰ کو پیش کی جائے گی، وزیراعلیٰ کی منظوری کے بعد وزیر خزانہ پنجاب اسمبلی میں بجٹ پیش کریں گے۔
