سندھ کی کابینہ میں کون کون شامل ہوگا، اس حوالے سے حتمی مشاورت اسلام آباد میں جاری ہے۔
پاکستان پیپلزپارٹی کے چیئرمین بلاول بھٹو زرداری اور فریال تالپور اس سلسلے میں مشاورت کر رہے ہیں۔ صوبائی وزرا کو کون سےعہدے ملیں گے اس پر صدرزرداری سے بھی مشاورت کی جائے گی۔
ذرائع کا کہنا ہے کہ مشاورت کے لیے وزیراعلیٰ سندھ مرادعلی شاہ بھی اسلام آباد میں موجود ہیں۔ سندھ کابینہ میں پہلے مرحلے میں 10 سے زائد وزرا کو شامل کیا جائے گا۔
ناصر حسین شاہ، شرجیل انعام میمن، سردارشاہ اور ضیا لنجار کے علاوہ سعیدغنی بھی سندھ کی کابینہ میں شامل ہونگے.
