کراچی کے نیشنل بینک میں مس پرنٹنگ والے نئے کرنسی نوٹ بھجوانے کا انکشاف ہوا ہے، جس کے بعد مزید کارروائی کی جا رہی ہے۔
اس حوالے سے بینک منیجر کی ویڈیو سامنے آئی ہے جس میں اس کا کہنا ہے کہ آج صبح کیش آیا تو نئے نوٹوں میں ایک سائیڈ پر پرنٹ اور دوسرا سادہ ہے۔
ویڈیو بیان کے مطابق بینک منیجر نے بتایا کہ اب تک ایک ہزار روپے کے نوٹوں کی کتنی گڈیاں صارفین کو چلی گئی ہیں معلوم نہیں۔
ایک صارف نے مس پرنٹنگ والے کرنسی نوٹ واپس کئے تو دیکھا کہ ان کی ایک سائیڈ خالی تھی، اس شکایت کے بعد جب نوٹوں کے مزید بنڈل چیک کیے گئے تو ان میں بھی ایک سائیڈ بغیر پرنٹنگ کے ہے۔
اس کے علاوہ ویڈیو میں منیجر کا کہنا ہے کہ کرنسی نوٹوں کے پیکٹ میں دو دو نوٹ اسی طرح جڑے ہوئے ہیں۔
ترجمان نیشنل بینک نے میڈیا سے کہا کہ مذکورہ ویڈیو کے حوالے سے بیان آپریشن ڈپارٹمنٹ کو بھیج دیا ہے، متعلقہ ڈپارٹمنٹ کو ویڈیو بھی بھیج دی گئی ہے، مزید تفصیلات سامنے آنے کے بعد میڈیا سے شیئر کرینگے۔
View this post on Instagram
