کراچی : اسٹریٹ کرائم کی درجنوں وارداتوں میں ملوث2ملزمان کو گرفتار کرلیا گیا ، ملزمان زیادہ تر وارداتیں شام کو بجلی کی لوڈشیڈنگ کے وقت کرتے تھے۔
تفصیلات کے مطابق کراچی میں کلری پولیس نے کارروائی کرتے ہوئے اسٹریٹ کرائم کی درجنوں وارداتوں میں ملوث2ملزمان کو گرفتار کرلیا۔
ایس ایس پی امجدحیات نے بتایا کہ ملزمان میں ذیشان ساغراورعدنان عرف ڈان شامل ہیں ، ملزمان سےاسلحہ اور 14موبائل فونز بھی برآمد ہوئے۔
امجد حیات کا کہنا تھا کہ ملزمان نےدوران تفتیش کئی انکشاف کئے، 4 رکنی ڈکیت گروہ چھینےگئےموبائل احمد نیازی کوفروخت کرتاہے اور ملزمان لوٹ مارمیں مزاحمت پرگولیاں چلانے سے دریغ نہیں کرتے۔
انھوں نے بتایا کہ چندروزقبل بغدادی میں ڈکیتی مزاحمت پرشہری پرفائرنگ کی، چھیننےہوئےموبائل فونزکےآئی ایم ای آئی حسین افغانی تبدیل کرتاہے، فی فون آئی ایم ای آئی تبدیل کرنےکے5سے8 ہزار دیے جاتےہیں۔
ملزمان کا واردات میں استعمال اسلحہ10ہزارمیں راشد سے خریدنے کا انکشاف کیا ، ملزمان زیادہ تر وارداتیں شام کو بجلی کی لوڈشیڈنگ کے وقت کرتے تھے۔
امحد حیات کا کہنا تھا کہ ملزمان کا مجرمانہ ریکارڈ حاصل کرلیا گیا ہے، ملزمان سےبرآمدموبائلز اور اسلحہ چیک کیا جارہا ہے، گرفتار ملزمان سے مزید تفتیش کا عمل جاری ہے۔
