لاہور کے وحدت روڈ ماڈل بازار میں حکومت پنجاب کی جانب سے سستے بازار کا انعقاد کیا گیا ہے جہاں شہریوں کو مناسب دام میں مختلف اشیاء فراہم کی جارہی ہیں۔
اے آر وائی نیوز سے گفتگو کرتے ہوئے بازار کے منیجر محمد عثمان نے بتایا کہ یہاں پر کسی بھی چیز کی قیمت بازار سے 15 سے 25 فیصد تک سستی ہے۔
- Advertisement -
انہوں نے بتایا کہ دس کلو آٹے کا تھیلا 40 روپے کم میں دستیاب ہے جبکہ گوشت کی قیمت 25 روپے کم رکھی گئی ہے۔
ان کا کہنا تھا کہ اس ماڈل بازار میں غیر معیاری کوئی چیز موجود نہیں ہے اس کیلئے سخت نگرانی کی جارہی ہے۔ اس کے علاوہ اگر کوئی شہری پیکج کے تحت 3ہزار روپے کی خریداری کرے گا تو اسے 500 روپے کا ڈسکاؤنٹ دیا جارہا ہے۔
