بڑے مقابلوں کی بڑی تیاری کے لیے پاکستانی کرکٹرز آج سے کمربستہ ہوں گے اور کاکول اکیڈمی میں لگائے جانے والے کیمپ میں فزیکل ٹریننگ کا آغاز کریں گے۔
پاکستان نے آئندہ ماہ نیوزی لینڈ کے خلاف پانچ ٹی ٹوئنٹی میچوں کی سیریز کھیلنی ہے۔ اس کے بعد انگلینڈ اور آئرلینڈ سے سیریز کھیلنے کے ان کے ممالک جائے گی جہاں سے وہ امریکا اور ویسٹ انڈیز کا رخ کرے گی جہاں جون میں آئی سی سی ٹی ٹوئنٹی ورلڈ کپ کھیلا جائے گا۔
آنے والے مہینوں میں بڑے مقابلوں کی بڑی تیاری کے لیے پاکستان کرکٹ بورڈ نے اپنے کھلاڑیوں کے لیے کاکول میں فٹنس ٹریننگ کیمپ کا انعقاد کیا ہے جہاں منتخب 29 کھلاڑی آج سے فزیکل ٹریننگ کا آغاز کریں گے۔
پاک فوج کے تعاون سے منعقدہ اس ٹریننگ کیمپ میں حال ہی میں ریٹائرمنٹ واپس لینے والے عماد وسیم اور محمد عامر کو بھی طلب کیا گیا ہے۔ یہ کیمپ 8 اپریل تک جاری رہے گا۔
چیمپئنز ٹرافی 2025، آئی سی سی وفد کی قذافی اسٹیڈیم آمد
اس کیمپ کے دوران کھلاڑیوں کی فٹنس پر کام کیا جائے گا جس سے آنے والے مقابلوں کے لیے کھلاڑیوں کو ذہنی اور جسمانی طور پر مضبوط کیا جائے گا۔
