کراچی : محکمہ موسمیات نے ملک میں تیز ہواؤں اور گرج چمک کے ساتھ بارشوں کی پیشگوئی کردی اور کہا مغربی ہوائوں کا سلسلہ 27 مارچ کو ملک کے مغربی حصے میں داخل ہوگا۔
تفصیلات کے مطابق ملک میں تیز ہواؤں اور گرج چمک کے ساتھ بارشوں کی پیشگوئی کردی گئی، محکمہ موسمیات نے بتایا کہ بلوچستان میں آج بارش کے نئے سسٹم کی انٹری ہوگی۔
۔مغربی ہوائوں کا سلسلہ 27 مارچ کو ملک کے مغربی حصے میں داخل ہوگا اور 31 مارچ تک ملک کے وسطی و بالائی علاقوں میں بارشوں کا سلسلہ جاری رہنے کا امکان ہے۔
جس سے کوئٹہ، ژوب، زیارت، چمن اور پشین میں چند مقامات پر تیز ہواؤں اور گرج چمک کیساتھ بارش متوقع ہے جبکہ سوات، چترال، مالاکنڈ، مری، گلیات، کشمیر اور گلگت بلتستان میں بادل جم کر برسیں گے
کراچی، لاہور، اسلام آباد اور پشاور اور پنجاب کےبیشتر اضلاع میں موسم خشک اور مطلع جزوی ابرآلود رہے گا۔
