کراچی میں اسٹریٹ کرائم کی بڑھتی وارداتوں پر کراچی پولیس چیف خادم حسین رند کا تبادلہ کردیا گیا۔
اے آر وائی نیوز کے مطابق سندھ حکومت نے ایڈیشنل آئی جی کراچی خادم حسین رند کا تبادلہ کرکے عمران یعقوب کو کراچی پولیس چیف تعینات کرنے کا نوٹیفکیشن جاری کردیا۔
چیف سیکریٹری سندھ آصف حیدر شاہ کی جانب سے عمران یعقوب کی تعیناتی کا نوٹیفکیشن جاری کیا گیا ہے۔
- Advertisement -
واضح رہے کہ اس سے قبل بھی عمران یعقوب کراچی پولیس چیف رہ چکے ہیں۔
اس کے علاوہ انسپکٹر شبیر راؤ کو ایس ایچ او سائٹ اے تعینات کیا گیا ہے جبکہ انسپکٹر افتخار خانزادہ کو ایس ایچ او ماڑی پور تعینات کردیا گیا ہے۔
انسپکٹر سجاد ایس ایچ او سعید آباد تعینات کیے گئے ہیں، عدیل احمد ایس ایچ او شیرشاہ اور انسپکٹر ایاز خان ایس ایچ او سائٹ ہی تعینات رہیں گے۔
