کراچی : پاک کالونی میں راہ چلتی خاتون سے بدتمیزی و ہراساں کرنے کی ویڈیو منظر عام پر آگئی، ملزم خاتون سے بدتمیزی کرنے کے بعد فرار ہوگیا تھا۔
تفصیلات کے مطابق کراچی میں خاتون کو ہراساں کرنے کا ایک اور واقعہ سامنے آگیا، یہ واقعہ پاک کالونی میں پیش آیا۔
پاک کالونی میں خاتون سے بدتمیزی و ہراساں کرنے کی وڈیو منظر عام پر آگئی ، جس میں دیکھا جاسکتا ہے کہ ملزم خاتون سے بدتمیزی کرنے کے بعد فرار ہوگیا تھا۔
پولیس کا کہنا ہے کہ واقعے کی ویڈیو سامنے آئی ہے تاہم متاثرہ خاتون نے رابطہ نہیں کیا۔
واقعے میں ملوث ملزم کوحراست میں لے لیا گیا ہے اور مقدمے کے اندراج کیلئے متاثرہ خاتون کو تلاش کیا جا رہا ہے۔
واضح رہے اس سے قبل بھی کراچی کے راہ چلتی خاتون سے بدتمیزی کے کئی واقعات پیش آچکے ہیں۔
گلستان جوہر کے علاقے میں موٹر سائیکل سوار شخص کی جانب سے خاتون کو جنسی طور پر ہراساں کرنے کا واقعہ پیش آیا تھا تاہم اس کیس میں اب تک مذکورہ شخص کی شناخت کے حوالے سے کوئی پیش رفت نہیں ہو سکی۔
