کراچی : محکمہ موسمیات نے کراچی میں آج 11 کلومیٹر فی گھنٹہ کی رفتار سے جھکڑ چلنے کا امکان ہے تاہم مطلع ابر آلود رہے گا۔
تفصیلات کے مطابق محکمہ موسمیات نے کراچی میں موسم کی صورتحال کے حوالے سے بتایا ہے کہ کہ کراچی کا موسم آج ابر آلود رہے گا، اس وقت درجہ حرارت پچیس ڈگری سینٹی گریڈ ہے جبکہ شدت اکتیس ڈگری سینٹی گریڈ محسوس کی جا رہی ہے۔
محکمہ موسمیات نے شہر قائد میں آج 11 کلومیٹر فی گھنٹہ کی رفتار سے جھکڑ چلنے کا امکان ظاہر کرتے ہوئے کہا کہ ہوا کا معیار غیر صحت بخش رہے گا۔
دوسری جانب ملک کے بیشترعلا قوں میں آج موسم خشک جبکہ جنوبی علاقوں میں گرم رہےگا جبکہ بالائی خیبر پختونخوا، گلگت بلتستان ا ورکشمیر میں چند مقامات پر جھکڑ چلنے اور گرج چمک کے ساتھ بارش جبکہ بلند پہاڑوں پر برف باری کا امکان ہے۔
جنوبی پنجاب اور جنوب مغربی بلوچستان میں جھکڑچلنےاورگرج چمک سےبارش ہو سکتی ہے جبکہ اسلام آباداور گر دو نواح میں مطلع جزوی ابر آلود رہے گا ، سندھ کے بیشتر اضلاع میں بھی موسم خشک اور گرم رہنے کا امکان ہے۔
