27 ویں شب میں مسجد الحرام مکہ مکرمہ اور مسجد نبویؐ میں لاکھوں فرزندان اسلام عبادت میں شریک ہوئے۔
ایس پی اے کی رپورٹ کے مطابق مسجد الحرام اور مسجد نبویؐ میں بڑی تعداد میں افراد عشا اور تراویح ادا کرنے کے لیے مقررہ وقت سے قبل پہنچ گئے تھے۔
#صور_واس | المسجد الحرام #ليلة_27 من #رمضان.
#واس_عام pic.twitter.com/sRb92Tjx1n— واس العام (@SPAregions) April 5, 2024
مسجد الحرام سے روح پرور مناظر کو براہ راست نشر کیا گیا، جس میں دیکھا جاسکتا ہے کہ مسجد الحرام کے دالان، تہہ خانے، چھت، تیسری توسیع، اطراف کی سڑکیں، تجارتی مراکز اور ہوٹلوں کی راہداریاں اور علاقے عبادت گزاروں سے بھرے ہوئے تھے۔
مسجد الحرام میں 27 ویں شب کی دعا میں شرکت کیلیے جانے والے راستوں پر ٹریفک پولیس کے اہلکار جبکہ بہت زیادہ رش کو کنٹرول کرنے کے لیے بھی خصوصی ٹاسک فورس کے دستوں کو تعینات کیا گیا تھا۔
اسرائیلی جارحیت کی حد پار، قبلہ اول پر ڈرونز داغ دئیے
لوگوں کو ادارہ امن عامہ کی جانب سے بھیجے گئے پیغامات میں ہدایت جاری کی گئی تھی کہ وہ مسجد رش کے پیش نظر الحرام آنے کے بجائے اپنے ہوٹلوں یا گھروں کے قریبی مساجد میں نماز ادا کریں۔
