ایرانی فوج کے چیف آف اسٹاف میجر جنرل محمد حسین بغیری کا کہنا ہے کہ شام میں ایرانی سفارتخانے پر حملہ اسرائیل کا خودکش مشن تھا۔
غیر ملکی ذرائع ابلاغ کے مطابق ایرانی فوج کے چیف آف اسٹاف میجر جنرل محمد حسین بغیری نے کہا کہ شام میں ایرانی سفارتخانے پر اسرائیلی حملے کا جواب دیا جائے گا۔
میجر جنرل محمد حسین بغیری کا کہنا تھا کہ ایران اپنے ردعمل کا وقت اور طریقہ کار منتخب کرے گا، ایران مناسب اور درست انداز میں جوابی کارروائی کرے گا۔
ایرانی آرمی چیف نے کہا کہ ایران ایسی جوابی کارروائی کرے گا جس کے بعد اسرائیل کو اپنے اقدامات پر پچھتاوا ہوگا۔
دوسری جانب امریکی انٹیلی جنس نے خدشہ ظاہر کیا ہے کہ شام میں ایرانی سفارت خانے پر اسرائیلی حملے کے جواب میں ایران اسرائیل پر درجنوں ڈرونز سے حملہ کرسکتا ہے۔
امریکی نشریاتی ادارے کے مطابق شام میں ایرانی سفارتخانے پر اسرائیلی حملے کے بعد جوابی کارروائی کرتے ہوئے ایران اگلے ہفتے تک اسرائیل پرحملہ کرسکتا ہے۔
’اسرائیل کی غیرمشروط حمایت نہیں کرتے‘
امریکی میڈیا کا اس حوالے سے کہنا تھا کہ انٹیلی جنس اداروں نے خدشہ ظاہر کیا ہے کہ ایران ممکنہ طور پر اسرائیلی سفارتی مرکز کو نشانہ بنایا جا سکتا ہے۔
