کراچی : پاکستان اسٹاک مارکیٹ نے ایک اور تاریخ رقم کرتے ہوئے 71 ہزار کی نفسیاتی حد عبور کرلی، انڈیکس میں511 پوائنٹس کا اضافہ ہوا۔
تفصیلات کے مطابق پاکستان اسٹاک مارکیٹ نے کاروباری ہفتے کے دوسرے روز ایک اور تاریخ رقم کرلی، پاکستان اسٹاک مارکیٹ آج بھی تاریخ کی بلند ترین سطح پر ٹریڈ کر رہی ہے۔
کاروبار کے دوران ہنڈریڈ انڈیکس میں پانچ سو گیارہ پوائنٹس اضافے ہوا اور 100 انڈیکس 71 ہزار کی نفسیاتی حد کو بھی عبور کرگیا۔
اس وقت 100انڈیکس 71 ہزار 56 پوائنٹس پر ٹریڈ کر رہا ہے، ماہرین کا کہنا ہے آئی ایم ایف سے جاری مثبت بات چیت اور سعودی وزیر خزانہ کی آمد سے سرمایہ کاروں میں اعتماد آیا ہے اور تمام سیکٹرز میں مثبت رجحان دیکھا جا رہا ہے۔
گذشتہ روز پاکستان اسٹاک ایکسچینچ میں ہنڈریڈ انڈیکس 229 پوائنٹس کے اضافے کے ساتھ بلند ترین سطح 70 ہزار 544 پوائنٹس پر بند ہوا، آئل، بینک، ریفائنریز اور سیمنٹ سیکٹر کے شیئر کی قیمتوں میں اضافہ ہوا۔
