کراچی: محکمہ موسمیات کی جانب سے بارش کی پیش گوئی کے بعد واٹر کارپوریشن میں رین ایمرجنسی نافذ کردی گئی۔
تفصیلات کے مطابق واٹر کارپوریشن کے انجینئرنگ ونگ عملے کی چھٹیاں منسوخ کردی گئی ہیں جبکہ انتظامیہ کا کہنا ہے کہ اس وقت واٹر کارپوریشن کے پاس مجموعی طور پر 55 سکشن مشینیں موجود ہیں۔
واٹر کارپوریشن انتظامیہ نے بتایا کہ آج رات اہم شاہراہوں اور ڈیپ ایریا میں مشینیں پہنچائی جائیں گی، پمپنگ اسٹیشنوں کو بجلی کی عدم فراہمی پر جنریٹرزکی مدد سے بھی رواں رکھا جائے گا۔
انتظامیہ کا مزید کہنا ہے کہ واٹرکارپوریشن کی سیوریج پمپنگ اسٹیشن پر وافرمقدارمیں ڈیزل پہنچایا گیا ہے۔
واٹرکارپوریشن نے کہا کہ شہریوں سے درخواست ہے بارش کے دوران گٹر کے ڈھکن نہ ہٹائیں، سیوریج کے مین ہولز بارش کے پانی کی نکاسی کے لیے نہیں ہیں۔
