دوستی برقرار نہ رکھنے پر ادھیڑعمر شخص نے اپنی سے بڑی عمر کی دوست کو مبینہ طور پر گلا دبا کر مارنے کی کوشش کی.
امریکی ریاست ٹیکساس کے حکام نے 42 سالہ شخص کو اپنی عمررسیدہ گرل فرینڈ کو گلا گھونٹ کر مارنے کی کوشش کے الزام میں گرفتار کرلیا۔ اس نے اپنی دوست کا گلا دباتے ہوئے مارنا چاہا کیوں کہ عورت مبینہ طور پر اس سے رشتہ ختم کرچکی تھی۔
اتوار 14 اپریل کو، دوپہر تقریباً ڈھائی بجے پولیس حکام کو ایبونی روڈ کے 32000 بلاک سے اطلاع دی گئی کہ وہاں موجود ایک گھر میں عورت کی چیخ و پکار سنی گئی ہے۔
پڑوسی نے مبینہ طور پر ایک عورت کو مدد کے لیے چیختے ہوئے سنا۔ حکام نے جائے وقوع پر 53 سالہ متاثرہ عورت سے بات کی اور حملے کے واضح نشانات بھی دیکھے۔
متاثرہ خاتون نے پولیس کو بتایا کہ اس نے 42 سالہ رولینڈو جواریز کے ساتھ چار سال تک ساتھ رہنے کے بعد رشتہ توڑ دیا تھا۔ اس عمل سے جواریز پریشان ہوگیا اور آج گھر آکر مبینہ طور پر خاتون کو چہرے پر مارا۔
خاتون کا کہنا تھا کہ بعد میں جواریز نے اس کا گلا گھونٹ دیا، ملزم نے خاتون کا سیل فون چھیننے کی بھی کوشش کی اور اس کے نتیجے میں اسے زمین پر دھکیل دیا۔ ملزم نے خاتون کے سر کو زمین پر مارا جس سے اس کی پیشانی پر چوٹ آئی۔
متاثرہ خاتون نے اپنے سابق بوائے فرینڈ کے خلاف مقدمہ دائر کیا ہے، ملزم کو کیمرون کاؤنٹی جیل میں قید کرتے ہوئے 20 ہزار ڈالرز کے بانڈ بھرنے کو کہا گیا ہے۔
