اسلام آباد : سینیٹرعرفان صدیقی نے سوشل میڈیا محاذ پر ن لیگ کی ناکامی کا اعتراف کرلیا اور کہا نہ مخالف بیانیے کے سامنے دیوار بن سکے نہ اپنا بیانیہ لاسکے۔
تفصیلات کے مطابق رہنما مسلم لیگ ن عرفان صدیقی نے گفتگو میں کہا کہ میڈیا کےمحاذ پرمسلم لیگ ن کی ناکامی کوتسلیم کرتا ہوں ، سوشل میڈیا ہویامین اسٹریم میڈیا ہم نہ تومخالف بیانیے کے سامنے دیوار بن سکے اور نہ اپنے بیانیے کو سامنے لاسکے۔
ن لیگی رہنما کا کہنا تھا کہ میڈیا کےمحاذ ہر ہماری کمزوری برسوں سےچلی آ رہی ہے، اس کی ذمہ دار جماعت ہے۔
انھوں نے مزید کہا کہ ہم 24 گھنٹے کسی واقعہ پرردعمل نہیں دیں گے تو نقصان ہوگا، پارٹی کو موثر طریقے سے اپناموقف کوپیش کرناچاہیے۔
ن لیگی سنیٹر کا کہنا تھا کہ پارٹی موقف پیش کرنےمیں ناکام ہے، اس بات کو تسلیم کرتاہوں۔
مسلم لیگ ن کے رہنما نے کہا کہ نواز شریف کی پنجاب اور وفاق میں اس وقت بھی حکومت ہے، پاکستان میں کوئی بڑی پیشرفت ان کی مرضی کے بغیر نہیں ہو سکتی۔
