سڈنی : آسٹریلیا کی سیکیورٹی فورسزنے سڈنی کیفے میں 16 گھنٹے سے اسلحے کے زورپریرغمال بنائے گئے افراد کو بازیاب کرالیا۔
ذرائع کے مطابق 6 افراد کیفے سے بھاگ نکلنے میں کامیاب ہوگئے تھے۔ کافی دیر انتظار کے بعد سیکیورٹی فورسز نے آپریشن کیا، آپریشن کے فوراً بعد طبی عملہ کیفے کے اندرگیا اورمتعدد زخمی افراد کواسٹریچر کے ذریعے باہر لایا گیا۔
لوگوں کو اسلحے کے زور پر یرغمال بنانے والے شخص کی شناخت ’ہارون مونس‘ کے نام سے ہوئی ہے جو کہ ایک ایرانی مہاجر ہے اور پہلے بھی متعدد بار جنسی طورپر ہراساں کرنے کے الزام میں گرفتار کیا جاچکا ہے۔
سن 2012 میں اس پرافغانستان میں ہلاک ہونے والے آٹھ آسٹریلوی فوجیوں کو دھمکی آمیز خطوط بھیجنے کا مرتکب بھی پایا گیا تھا۔
پولیس ذرائع کا کہنا تھا کہ واقعے ملوث شخص کا نام ظاہر کرنے میں کوئی قانونی قباحت نہیں تھی، اس لئے اس کی شناخت آشکار کردی گئی ہے۔
