دبئی : ایمریٹس ائیرلائن سے سفر کرنے والوں کے لیے بڑی خبر آگئی ، صدر ایمریٹس ائیرلائن ٹم کلارک نے مسافروں کے نام پیغام دیا۔
تفصیلات کے مطابق صدر ایمریٹس ائیرلائن ٹم کلارک نے ایمریٹس سے سفر کرنے والوں کے نام خط لکھا، جس میں کہا کہ یو اے ای میں طوفان کے باعث رواں ہفتہ آپریشنل طورپرسب سے مشکل رہا۔
ٹم کلارک کا کہنا تھا کہ 16 اپریل کو متحدہ عرب امارات میں 75 سالوں میں سب سے زیادہ بارش ہوئی، بارشوں نے صارفین اور جہاز کے عملے کے ہوائی اڈے تک پہنچنے میں رکاوٹ ڈالی۔
خط میں کہا گیا کہ منگل کو موسم کی خرابی سے بچنے کیلئے درجنوں پروازوں کا رخ موڑ ا، اگلے 3 دنوں میں ہمیں تقریباً 400 پروازیں منسوخ کرنی پڑیں۔
ٹم کلارک نے مزید کہا کہ دبئی جانے والوں چیک معطل ،ٹکٹوں کی فروخت پر پابندی لگانی پڑی، ہوائی اڈے اور رابطہ سینٹر ٹیموں کو دوبارہ بکنگ کیلئے اضافی وسائل فراہم کیے۔
صدر ائیرلائن کا کہنا تھا کہ بڑی تعداد میں محصورمسافروں کیلئےاضافی پروازیں لگائیں ، آج صبح تک ہماری پروازوں کا باقاعدہ شیڈول بحال کردیا گیا، ہوائی اڈے کے ٹرانزٹ ایریا میں پھنسے مسافروں کی دوبارہ بکنگ کرلی۔
