کراچی :ایم کیوایم رابطہ کمیٹی نے رینجرز کی جانب سے ایم کیو ایم کے کارکنان ریحان اکرم ، کامران شاہ ، ریحان قریشی اور ساجد سہیل کی گرفتاری کی شدید مذمت کی ہے۔
ایم کیو ایم رابطہ کمیٹی نے اپنے بیان میں رینجرز کے ہاتھوں ایم کیوایم کارکنان کی گرفتاریوں کی مذمت کرتے ہوئے کہا ہے کہ ریحان اکرم ایم کیو ایم کے شعبے ایف ایف سی کے رکن ہیں۔
رابطہ کمیٹی کا کہنا ہے ایک ہفتے کے دوران ایم کیو ایم کے چوبیس کارکنوں کو بلاجواز گرفتار کیا جاچکا ہے، خدشہ ہے کہیں ریحان اکرم کو بھی بہمانہ تشدد کرکے قتل نہ کردیا جائے۔
- Advertisement -
رابطہ کمیٹی نے مطالبہ کیا ہے کہ فوری طورپر ریحان اکرم کی گرفتاری کو ظاہر کیا جائے، اگر ریحان اکرم اور دیگر کارکنان پر کوئی الزام ہے تو انھیں عدالتوں میں پیش کیا جائے ۔
