اسلام آباد: وزیر اعظم میاں شہباز شریف نے کسانوں سے گندم کی فوری خریداری کا حکم دے دیا ہے۔
تفصیلات کے مطابق سعودی عرب روانگی سے قبل وزیر اعظم پاکستان نے وفاقی حکومت کی طرف سے کسانوں سے گندم کی فوری خریداری کا حکم دے دیا ہے۔
وزیر اعظم نے وفاقی حکومت کا گندم کی خریداری کا 1.4 ملین میٹرک ٹن کا ہدف بڑھا کر 1.8 ملین میٹرک ٹن کر دیا ہے، پاسکو کو گندم خریداری کا ہدف بڑھانے اور فوری خریداری یقینی بنانے کے احکامات بھی جاری کر دیے گئے۔
گندم خریداری میں تاخیر کے فیصلے کی خبریں، حقیقیت سامنے آگئی
گندم کی خریداری کے حوالے سے پاسکو کو شفافیت اور کسانوں کی سہولت کو ترجیح دینے کی ہدایت کی گئی ہے، وزیر اعظم شہباز شریف نے کسانوں کی گندم خریداری سے متعلق مشکلات کو دیکھتے ہوئے یہ قدم اٹھایا ہے۔
واضح رہے کہ 6 اپریل کو وزارت خزانہ نے گندم خریداری میں تاخیر کے فیصلے کے خبروں پر رد عمل دیتے ہوئے انھیں گمراہ کن قرار دے دیا تھا۔
