کراچی : نسلہ ٹاور متاثرین کے لئے بڑی خوشخبری آگئی ، سپریم کورٹ نے معاوضےکی ادائیگی کے حوالے سے بڑا حکم جاری کردیا۔
تفصیلات کے مطابق سپریم کورٹ کراچی رجسٹری نے نسلہ ٹاورمتاثرین کومعاوضےکی ادائیگی کیس کاتحریری حکم نامہ جاری کردیا۔
جس میں کہا ہے کہ نسلہ ٹاورکی زمین فروخت کرکےمتاثرین کو رقم اداکی جائے۔
عدالت نے آفیشل اسائینی کوپلاٹ کی فروخت،فلیٹ الاٹیز کی تفصیلات وصول کرنے کاحکم دیتے ہوئے کہا کہم نسلہ ٹاورکے الاٹیزبکنگ اور رقم ادائیگی کی دستاویزات آفیشل اسائینی کوپیش کریں۔
حکم نامے میں کہا گیا کہ پلاٹ کی فروخت کیلئےانگریزی اوراردواخبارات میں اشتہارشائع کرائےجائیں اور پلاٹ سےمتعلق تمام تفصیلات اشتہارمیں شائع کریں۔
کتنی منزل کی عمارت بن سکتی ہے یہ سب اشتہار میں شامل کریں اور پلاٹ سےوصول شدہ رقم سےمتاثرین کو ادائیگی ہو سکتی ہے ، یہ بھی تفصیلات پیش کریں۔
سپریم کورٹ نے نسلہ ٹاورسےمتصل 240گزپلاٹ کی تفصیلات ایک ہفتےمیں طلب کرلی۔
