وزیرخارجہ اسحاق ڈار کو ڈپٹی وزیراعظم مقرر کر دیا گیا۔
حکومت نے ن لیگ کے مرکزی رہنما و وزیرخارجہ اسحاق ڈار کو ڈپٹی وزیراعظم مقرر کیا ہے جس کا کابینہ ڈویژن نے نوٹیفکیشن جاری کر دیا ہے جو فوری نافذ العمل ہو گا۔
چوہدری پرویز الٰہی اس سے قبل نائب وزیراعظم رہ چکے ہیں۔ آئین میں نائب وزیراعظم کاعہدہ موجود نہیں ہے۔
اے آر وائی نیوز سے گفتگو کرتے ہوئے ماہرقانون قیصرامام نے کہا ہے کہ آئین میں ڈپٹی وزیراعظم تعیناتی کی کوئی شق نہیں، ڈپٹی وزیراعظم کا عہدہ آئین کے مطابق نہیں ہے ڈپٹی وزیراعظم کےعہدے کیلئے پارلیمنٹ کو آئین میں ترمیم کرنا پڑے گی۔
انہوں نے کہا کہ پرویزالہٰی کا ڈپٹی وزیراعظم کا نوٹیفکیشن بھی آئینی و قانونی نہیں تھا ڈپٹی وزیراعظم کا نوٹیفکیشن عدالت میں چیلنج ہوسکتا ہے جس کے پاس اختیار ہی نہ ہو ایسا عہدہ بنانا غیرآئینی ہے یہ کر کے آئین وقانون سمیت پورے سسٹم کا تماشہ بنایا گیا۔
