اردن کے ولی عہد شہزادہ حسین بن عبداللہ دوم کی جانب سے اپنی سعودی نژاد اہلیہ شہزادی رجوہ الحسین کو ان کی 30 ویں سالگرہ پر محبتوں بھرا پیغام بھیجا گیا ہے۔
عرب نیوز کی رپورٹ کے مطابق اردن کے ولی عہد شہزادہ حسین بن عبداللہ دوم نے حالیہ تصویر شیئر کرتے ہوئے انسٹاگرام پر دعا لکھی ہے’اللہ تعالی ہمارے رشتے کو قائم و دائم رکھے اور پروان چڑھائے، سالگرہ مبارک رجوہ۔‘
30 ویں سالگرہ کے موقعے پر اردن کے شاہی خاندان نے شہزادی رجوہ کی حالیہ سرکاری تصویر بھی شیئر کی ہے۔
انسٹا گرام پر شیئر کی گئی تصویر میں شہزادی رجوہ نے نیلے رنگ کے پس منظر میں فرانسیسی برانڈ Rabanne کا نیلے رنگ کا لباس زیب تن کر رکھا ہے۔
واضح رہے کہ یہ اعلان بھی رواں ماہ کے آغاز میں کیا گیا تھا کہ اردن کا شاہی جوڑا اپنے پہلے بچے کی آمد کے لئے پر اُمید ہے۔
اردن کے شاہی خاندان نے شہزادی کے امید سے ہونے کی خبر کا اعلان ایک بیان میں کیا تھا۔
سیما حیدر کی کہانی میں نیا موڑ آگیا
جس میں یہ کہا گیا تھا کہ ’رائل ہاشمیٹ کورٹ کو یہ اعلان کرتے ہوئے اچھا محسوس ہورہا ہے کہ ان کے عزت مآب ولی عہد شہزادہ الحسین بن عبداللہ دوم اور شہزادی رجوہ الحسین اس موسم گرما میں اپنے پہلے بچے کے لئے پر اُمید ہیں۔
