کراچی چیمبر کے سامنے دکان میں ہونے والے سلنڈر دھماکے کی فوٹیج سامنے آگئی۔
تفصیلات کے مطابق کراچی چیمبر کے سامنےجنریٹر مارکیٹ میں سلنڈر پھٹنے سے خوفناک دھماکا ہوا جس کے نتیجے میں جاں بحق افراد کی تعداد 2 ہو گئی جب کہ 6 افراد زخمی ہیں۔
کراچی چیمبر کے سامنے دکان میں سلنڈر دھماکے کی فوٹیج سامنے آگئی#ARYNews pic.twitter.com/nj4h7jW2mc
— ARY NEWS (@ARYNEWSOFFICIAL) April 30, 2024
ریسکیوذرائع نے بتایا کہ سلنڈر دھماکے کے بعد دکان میں آگ لگ گئی اور سامان سڑک پر پھیل گیا۔ سلنڈر دھماکا صبح 11 بجکر 9 منٹ پر ہوا اور دکان مکمل تباہ ہو گئی۔
پولیس کا کہنا ہے کہ دھماکے اور آگ سےجھلس کر 2 افراد جاں بحق ہوئے جب کہ 6 زخمی ہیں جو زیرعلاج ہیں۔
ریسکیو ٹیموں نے ملبے سے ایک اور زخمی کو نکال لیا ہے زخمی رؤف کی حالت تشویشناک ہے اور اسے اسپتال منتقل کر دیا گیا ہے۔
