لاہور: پھانسی کی سزا پر پابندی ختم ہونے کے بعد جیلوں میں پھانسی گھاٹوں کو آپریشنل کرنے کی ہدایت کر دی گئی ہے۔
وزیراعلٰی شہباز شریف کی زیر صدارت اجلاس میں صوبے بھر کی جیلوں میں سزائے موت کے قیدیوں کے حوالے سے معاملات پر غور کیا گیا ہے۔
ذرائع کے مطابق پنجاب حکومت نے جیلوں میں پھانسی گھاٹ کے انتظامات مکمل کرنے کی ہدایت کردی ہے۔ سزائے موت کے قیدیوں کے بلیک وارنٹ جاری ہونے کے بعد پھانسی کی سزا پر فوری عمل درآمد کا امکان ہے۔
ذرائع کا کہنا ہے کہ پنجاب حکومت نے ڈیتھ وارنٹ پر عمل درآمد کی مدت کم کرنے کا فیصلہ کر لیا ہے۔ محکمہ داخلہ نے دہشتگردوں کو سزائے موت کیلئے ڈیتھ وارنٹ کے بعد پھانسی پر عمل درآمد کی مدت 21 دن سے کم کر کے 14 دن کرنے کی سفارش کی ہے اور سمری صوبے کے چیف ایگزیکٹو کو ارسال کر دی گئی ہے۔
Comments
- Advertisement -
