کراچی: کالعدم تحریک طالبان کے دہشت گردخان زمان کی گرفتاری کیلئے سی آئی ڈی پولیس کے چھاپے جاری ہیں کارروائی کے دوران خان زمان کے دوساتھی مارےگئے۔
سی آئی ڈی پولیس کراچی کے مطابق کالعدم تحریک طالبان کےدہشت گردخان زمان کی گرفتاری کیلئےچھاپے مارے جارہے ہیں۔
دہشت گرد خان زمان نے پشاور کے بعدکراچی میں دہشت گردی کرنے کا منصوبہ بنایا ہے۔انچارج سی آئی ڈی سیل علی رضا کے مطابق دہشت گرد خان زمان اوراس کےساتھی بلوچستان سےکراچی میں داخل ہوناچاہتےتھے،خفیہ اطلاع پرناردرن بائی پاس کےقریب کارروائی میں خان زمان کے دو ساتھی مارےگئے ہیں جبکہ دہشت گرد کمانڈرخان زمان اور اسکے ساتھی فائرنگ کرتےہوئے فرارہوگئے۔
پولیس کے مطابق خان زمان کراچی میں دہشت گرد کارروائیوں کا ماسٹرمائنڈ ہے۔ وہ انسپکٹرشفیق تنولی کے قتل،رینجرزپر بم حملے اور اغواکی وارداتوں میں بھی ملوث ہے۔
