این ڈی ایم اے نے رواں ماہ سندھ اور پنجاب میں تین ہیٹ ویو کے خطرے کی پیش گوئی کردی۔
اے آر وائی نیوز کے مطابق این ڈی ایم اے کا کہنا ہے کہ سندھ اور پنجاب کے مختلف اضلاع میں ہیٹ ویو کا خطرہ ہے، عمر کوٹ، تھرپارکر، ٹنڈوالہ ٰیار، سانگھڑ میں ہیٹ ویو کا خطرہ ہے۔
پنجاب میں بہاولپور، رحیم یار خان میں ہیٹ ویو کا خطرہ ہے جبکہ ہیٹ ویو انسانوں اور دیگر جانداروں کو بھی متاثر کرسکتی ہے۔
این ڈی ایم اے کا کہنا ہے کہ 15 سے 30 مئی کے دوران درجہ حرارت 40 ڈگری تک جاسکتا ہے، درجہ حرارت بڑھنے سے ہیٹ ویو کا پہلا اسپیل دو سے تین دن پر محیط ہوگا۔
مئی کے آخر میں دوسرا اسپیل 4 سے 5 دن جاری رہے گا جبکہ جون میں درجہ حرارت 45 ڈگری تک جان ےکا امکان ہے۔
این ڈی ایم اے کا بتانا ہے کہ جون کے پہلے 10 دن کے دوران ہیٹ ویو کا تیسرا اسپیل متوقع ہے، ہیٹ ویو سے تھرپارکر، عمرکوٹ، سانگھڑ، بدین اور خیرپور کے اضلاع متاثر ہوں گے۔
ہیٹ ویو کا تیسرا اسپیل 3 سے 5 دن تک جاری رہنے کا امکان ہے۔